لیگی رہنما شاہد خاقان عباسی کا کہنا ہے چوہدری شوگر مل کیس میں نیب نے مریم نواز کی ضمانت منسوخی کی درخواست دائر کی ہے کیونکہ وہ حکومت کے خلاف بات کرتی ہیں۔ کہتے ہیں براڈ شیٹ میں نیب نے جرمانہ دیا ہے لاہور ہائیکورٹ میں بھی جرمانہ دے گا، سینٹ الیکشن میں شکست کے بعد نیب ملک میں سیاست کا فرنٹ مین کے طور پر کام کر رہاہے۔

شاہد خاقان عباسی نے اسلام اباد میں پریس کانفرنس میں کہنا تھا چوہدری شوگر مل کیس میں نیب نے مریم نواز کی ضمانت منسوخی کی درخواست دائر کی ہے۔ نیب اور انکے چیئرمین کو اصل تکلیف یہ ہے کہ وہ حکومت کے خلاف بات کرتی ہیں، نیب نے لکھا کہ مریم ریاستی اداروں کے خلاف بات کرتی ہیں۔ ان کا کہنا تھا چیئرمین نیب شاہ سے زیادہ شاہ کی وفادار بن کر اپنی نوکری پکی کرنا چاہتے ہیں، نیب کی اس پیٹشن نے ان کی حقیقت عیاں کر دی ہے۔

شاہد خاقان عباسی کا کہنا تھا سینٹ الیکشن میں شکست کے بعد نیب ملک میں سیاست کا فرنٹ مین کے طور پر کام کر رہاہے، براڈ شیٹ میں نیب نے جرمانہ دیا ہے لاہور ہائیکورٹ میں بھی جرمانہ دے گا۔

شاہد خاقان عباسی کا کہنا تھا ہم نہ کیسوں سے گھبراتے ہیں نہ جیلوں سے، نیب کے ادارے نے پوری حکومت کو مفلوج کرکے رکھ دیا ہے۔