صدر مملکت ڈاکٹر عارف علوی نے عملی اور روایتی حملوں کے ساتھ ہائیبرڈ جنگ کے چیلنجز سے نمٹنے کےلئےمؤثر تیاری کی ضرورت پر زور دیا ہے۔

منگل کو اسلام آباد میں ایئرہیڈ کوارٹرز میں ایک تقریب سے خطاب کرتے ہوئے انہوں نے کہا کہ پاکستان نےدہشتگردی کو ختم کرنے کےلئے منفرد انداز میں جدید مہارتیں بروئے کار لاتے ہوئے اس ناسور کےخلاف جنگ میں غیر معمولی کامیابیاں حاصل کیں۔

صدرمملکت نےکہاکہ رائے عامہ بدلنے میں سوشل میڈیا کو بھی ایک مؤثر ذریعہ سمجھا جارہا ہے اور ہمیں اس ذریعے کے متعلق بھی سوجھ بوجھ حاصل کرنی چاہیئے۔

انہوں نےکہاکہ پاکستان اپنی سالمیت کےخلاف کسی بھی مہم جوئی کا بھرپور جواب دینےکےلئےہمہ وقت تیارہے اور قوم نے اس تیاری کا فروری 2019 میں عملی مظاہرہ دیکھا۔

صدر نے کہا کہ عالمی سیاست اور پالیسیوں میں تیزی سے تبدیلیاں آرہی ہیں اور پاکستان کو اپنی سلامتی کے مسائل حل کرنے کےلئے جدید تکنیک اور منفرد طریقے اختیار کرنے چاہئیں۔

ریڈیو پاکستان