کراچی: پاکستان کرکٹ بورڈ نے پی ایس ایل سکس کے کراچی میں کھیلے جانے والے آئندہ میچز کیلئے 50 فیصد تماشائیوں کو اسٹیڈیم میں داخلے کی دعوت دے دی۔

تفصیلات کے مطابق پی ایس ایل سکس کے کراچی میں کھیلے جانے والے آئندہ میچز کیلئے 50 فیصد تماشائیوں کو اسٹیڈیم میں داخلے کی دعوت دے دی۔ لیگ کے آئندہ میچز کیلئے ٹکٹ کی آن لائن فروخت آج رات 10 بجے سے شروع ہوگی، لاہور میں کھیلے جانے والے میچز سے متعلق فیصلہ بعد میں کیا جائے گا۔

نیشنل کمانڈ اینڈ آپریشنز سینٹر نے پی ایس ایل سکس کے میچز کیلئے اسٹیڈیم آنے والے شائقین کی تعداد 20 سے 50 فیصد کردی، پلے آف میچز اور فائنل کیلئے 100 فیصد تماشائیوں کو اسٹیڈیم آنے کی اجازت ہوگی۔