وزیراعظم عمران خان سے وزیراعلیٰ محمود خان اور گورنر شاہ فرمان کی ملاقات ہوئی جس میں خیبرپختونخوا میں جاری ترقیاتی منصوبوں پر پیشرفت اور سیاسی امور پر گفتگو ہوئی، اراکین صوبائی اسمبلی اور پی ٹی آئی ممبران سے بھی وزیراعظم نے گفتگو کی۔

وزیراعظم نے کہا بدقسمتی سے یہاں لوگوں نے سیاسی کو صرف پیسہ بنانے کیلیے استعمال کیا، سیاست کا اصل مقصد عوام کی خدمت ہے، اخلاقیات ختم ہوجائے تو قومیں تباہ ہوجاتی ہیں، ہم مستقبل اور اپنی نسلوں کی بہتری کا سوچتے ہیں، اسی لیے نظام میں شفافیت چاہتے ہیں۔