امیرجماعت اسلامی سراج الحق نے حکومت سے لاپتہ افراد کا مسئلہ حل کرنے کا مطالبہ کردیا اور کہا قیامت کے دن حکمرانوں کا گریبان ان افراد کے ہاتھ میں ہوگا،احسن اقبال نے بھی لاپتہ افراد کے لواحقین سے اظہارِ ہمدردی کیا۔

امیر جماعت اسلامی اور پی ڈی ایم کے رہنما،لاپتہ افراد کے لیے لگائے احتجاجی کیمپ پہنچے اور شرکا سے اظہار یکجہتی کیا،

سراج الحق نے وزیراعظم سے ڈی چوک آکر لاپتہ افراد کے لواحقین کو تسلی دینے کا مطالبہ کیا۔

احسن اقبال نے کہا وزیراعظم ریاست مدینہ کا دعوی کرتے ہیں لیکن لاپتہ افراد کا مسئلہ حل نہیں ہورہا۔

عبدالغفور حیدری ، نیئر بخاری ، عثمان کاکڑ، زاہد خان، اور دیگر نے بھی لاپتہ افراد کے اہلخانہ سے ہمدردی کا اظہار کیا۔