سیالکوٹ میں شدید دھند کے باعث وزیرآباد روڈ پر ٹرک اور مزدا کے درمیان تصادم کے نتیجے میں 4افراد جاں بحق اور11زخمی ہوگئے۔

وزیرآباد روڈ رویلہ اسٹاپ پر سیالکوٹ سے راولپنڈی جاتے ہوئے مزدا شدید دھند کے باعث سامنے آنے والے ٹرک سے ٹکرا گیا جس کے نتیجے میں مزدا ڈرائیور رانا آصف سمیت 3افراد موقع پر ہی جاں بحق ہو گئے جبکہ عصمت اللہ خان نامی شخص اسپتال منتقل کرنے پر زخموں کی تاب نہ لاتے ہوئے دم توڑ گیا۔

سیالکوٹ : ٹرک اور مزدا میں تصادم 4 جاں بحق ، 10 زخمی #AajNews #AajUpdates pic.twitter.com/dn1oPoBtCt

— Aaj News (@aaj_urdu) January 21, 2021

حادثے میں 11افراد زخمی ہوئے ،زخمیوں کو ابتدائی طبی امداد کے بعد ریسکیو 1122 نے وزیرآباد اور سیالکوٹ کےاسپتالوں میں منتقل کر دیا۔