وزیر اعلی پنجاب عثمان بزدار نے کہا کہ خدمت کی سیاست کے سامنے احتجاجی سیاست دم توڑ چکی ہے۔ یہ عناصر ذاتی مفادات کی خاطرپاکستان کے مفادات کو نقصان پہنچا رہے ہیں۔

وزیراعلیٰ پنجاب عثمان بزدار نے کہا ہے کہ اپوزیشن کا بے مقصد احتجاج بے وقت کی راگنی ہے۔ پی ڈی ایم والے عوام میں بری طرح ایکسپوز ہوچکے ہیں۔ ۔ پاکستان کے موجودہ حالات میں انتشار کی سیاست کی کوئی گنجائش نہیں۔

دوسری جانب وزیراعلی پنجاب سے رکن قومی اسمبلی عامر طلال گوپانگ اور رکن پنجاب اسمبلی سید محمد سبطین رضا نے ملاقات کی۔اس موقع پر وزیراعلی نے کہا کہ ماضی کی حکومت نے جنوبی پنجاب کے عوام کو کھوکھلے نعروں سے بہلایا اور صرف مخصوص شہروں کوترقیاتی فنڈز دیئے تاہم حکومت عوام سے کیے گئے وعدوں کو پورا کرے گی۔