ڈپٹی چیئرمین سینیٹ سلیم مانڈوی والا نے کہا ہے کہ نیب کے خلاف تحریک استحقاق واپس نہیں لی جائے گی۔

ڈیپٹی چیئرمین سینیٹ سلیم مانڈوی والا برگیڈیئر ریٹائرڈ اسد منیرمرحوم کے گھرپہنچے اور اہلخانہ سے تعزیت کی۔

بعدازاں میڈیا سے گفتگو میں انہوں نے کہاکہ اسد منیرکی اہلیہ کے مطابق نیب نے اسد منیر کو نوٹسز کے ذریعے پانچ سال ٹارچرکیا ، ذہنی دباؤ کے باعث اسد منیرنے دوبار خودکشی کی کوشش کی ، معاملہ سینیٹ میں اٹھانے کے ساتھ ہیومن رائٹس کمیشن میں بھی لیکرجائیںگے، نیب پارلیمنٹ میں نہ آئی توعدالت سے رجوع کرینگے۔

ڈپٹی چیئرمین سینیٹ سلیم مانڈوی والا کا کہنا ہے کہ اسد منیر کی اہلیہ نے بتایا نیب نے کس طرح ٹارچر کیا، اسد منیر نے پہلے بھی خودکشی کی کوشش کی لیکن اہلیہ نے بچا لیا تھا، معاملہ ہیومن رائٹس کمیشن میں لے جائیں گے، اسد منیر سے متعلق آرمی چیف کو نوٹس لینا چاہیے،

سلیم مانڈوی والا نے کہاکہ اتوار کے روز وہ اکاؤنٹ جنرل خرم ہمایوں کے گھرجائینگے۔