جکارتہ :انڈونیشیا کے شمالی علاقے میں 6.2شدت کے زلزلے کے باعث متعددعمارتیں گرگئیں،زلزے کے باعث 7افراد ہلاک جبکہ 600سے زائد زخمی ہوگئے، زلزلے سے حادثات کے باعث امدادی کارروائیاں تیز کردی گئیں۔

انڈونیشیا میں زمین لرز اٹھی،سلاویسی جزیرے میں شدید ترین زلزلہ آیا،ریکٹر اسکیل پرزلزلے کی شدت 6.2ریکارڈ کی گئی۔

نیشنل ڈیزاسٹر مینجمنٹ کے مطابق زلزلے کے باعث گورنر آفس سمیت متعددعمارتیں زمین بوس ہوگئیں۔

حادثے میں 7ہلاکتوں کی تصدیق کی گئی ہےجبکہ سیکڑسوں افراد زخمی اور لاپتا ہیں، ملبے تلے دبےافراد کو ریسکیو کرنےکیلئے امدادی کارروائیاں جاری ہیں۔

ہزاروں افراد کو محفوظ مقامات پر منتقل کرنے کے اقدامات کابھی آغاز کردیا گیا جبکہ حکام کے مطابق زخمیوں اورہلاکتوں میں اضافےکاخدشہ ہے۔