اسلام آباد کی احتساب عدالت نےنیب کی شاہد حاقان کے وارنٹ گرفتاری جاری کرنے کی استدعا مسترد کرتے ہوئے ایک روزہ استثنیٰ کی درخواست منظورکرلی۔

جج اعظم خان نےایل این جی ریفرنس پرسماعت کی ۔شاہد خاقان عباسی بیرون ملک ہونے کے باعث ایک روز حاضری سے استثنیٰ کی درخواست دی گئی۔

جج نےاستفسارکیا کہ کیا ملزم کو بیرون ملک جانے کےلئے عدالتی اجازت درکار نہیں تھی؟ ٹرائل چل رہا ہے۔ملزم کا نام ای سی ایل میں شامل تھا؟ قانون اس بارے میں کیا کہتا ہے؟

شاہد خاقان عباسی کے وکیل بیرسٹر ظفراللہ نے موقف اپنایا کہ تمام قانونی تقاضے پورے کرنے کے بعد شاہد خاقان عباسی کو بیرون ملک جانے کی اجازت وفاقی حکومت نے دی۔

نیب پراسیکیوٹر نےاستثنیٰ کی درخواست مسترد کرنےاوروارنٹ گرفتاری جاری کرنےکی استدعا کرتےہوئےکہاکہ ملزم عدالت کی اجازت کے بغیر بیرون ملک گیا،استثنیٰ کی درخواست ملزم نے بیرون ملک جانے کے بعد بھجوائی۔

احتساب عدالت کی ہدایت پر بیرسٹرظفر اللہ نے حکومتی اجازت نامہ پیش کیا۔

عدالت نےنیب کی وارنٹ گرفتاری جاری کرنےکی استدعا مستردکرتےہوئے شاہد خاقان عباسی کی ایک روزہ حاضری سے استثنیٰ کی درخواست منظورکرلی۔سماعت 15جنوری تک ملتوی کردی گئی۔