اسلام آباد:پاکستان نے افغان سرزمین سے ہونے والے دہشتگرد حملے کی شدید مذمت کرتے ہوئے کابل حکومت سے دہشتگردوں کیخلاف فوری کارروائی کرنے کا مطالبہ کیا ہے۔

ترجمان دفتر خارجہ کے مطابق افغانستان سے دہشتگردوں نے ضلع مہمند میں پاک فوج کی چیک پوسٹ پر فائرنگ کی، جس کی پاکستان شدید مذمت کرتا ہے۔

ترجمان دفترخارجہ نے مزید کہا کہ افغان سرزمین سے ہونے والی فائرنگ پرپاک فوج نے فوری جوابی کارروائی کرتے ہوئے مؤثر جواب دیا،فائرنگ کے تبادلے میں ایف سی کے ایک جوان نے جام شہادت نوش کیا۔

ترجمان دفترخارجہ نے مطالبہ کیا کہ افغان حکومت دہشتگردوں کیخلاف فوری کارروائی کرے اور افغان حکومت افغانستان میں پناہ گاہیں حاصل کرنے والی دہشتگرد تنظیموں کیخلاف کارروائی کرے۔