لاہور: نیوزی لینڈ کیخلاف بدترین شکست کے باعث پاکستان کرکٹ بورڈ کے بڑے ہیڈ کوچ مصباح الحق کی کارکردگی سے ناخوش ہیں، ذرائع کے مطابق مصباح کو کرکٹ کمیٹی کے آئندہ اجلاس میں طلب کرلیا گیا۔

ذرائع کے مطابق کرکٹ کمیٹی کے آئندہ اجلاس میں مصباح کو طلب کرکے وضاحتیں سنی جائیں گی جس کے بعد کمیٹی اُن کے مستقبل کے حوالے سے سفارشات پیش کرے گی۔

ذرائع کے مطابق بورڈ نے غیرملکی کوچ لانے پر غور شروع کردیا ہے اور اس سلسلے میں اینڈی فلاور اور گیری کرسٹن سے رابطہ بھی کیا گیا ہے تاہم پی سی بی نے رابطوں کی تصدیق یا تردید سے گریز کیا ہے۔

واضح رہے کہ کرکٹ کمیٹی کا اجلاس 23 یا 24 جنوری کو کراچی میں ہوگا۔