چاند پر موجود پہلے قدم کا نشان میوزیم میں رکھے نیل آرم سٹرانگ  کے اسپیس سوٹ  کےجوتے کے نشان سے نہیں ملتا۔

چاند پر انسان کا قدم رکھنا ہمیشہ سے ہی شکوک و شبہات کا شکار رہا ہے۔ اس حوالے سے کئی سوالات بھی کھڑے ہوئے ہیں۔ جیسے کہ نیل آرم اسٹرانگ نے چاند پر پہلے دایاں پاؤں رکھا تھا یا بایاں؟ اگر آرم اسٹرانگ چاند پر قدم رکھنے والے پہلے انسان تھے تو ان کو شٹل سے اترتے ہوئے کس نے فلمایا؟ کیا نیل آرم اسٹرانگ نے چاند پر خلائی مخلوق کو دیکھا تھا؟

لیکن حالیہ اور سب سے بڑا سوال جو اب تک سامنے آیا وہ یہ ہے کہ میوزم میں رکھے نیل آرم اسٹرانگ کے اسپیس سوٹ کا جوتا چاند پر موجود قدم کے نشان سے کیوں نہیں ملتا۔

اس سوال کا جواب زیرِ نظر تصویر میں موجود ہے۔

تصویر میں نیل آرم اسٹرانگ کا مکمل اسپیس سوٹ دیکھا جا سکتا ہے جو اس وقت امریکہ کے 'نیشنل ائیر اینڈ اسپیس میوزیم' میں رکھا ہوا ہے۔ اسپیس سوٹ میں دو جوتےدیکھے جا سکتے ہیں۔ دائیں جانب لال دائرے میں موجود جوتا 'اوور شو' کہلاتا ہے جو اسپیس سوٹ سے منسلک جوتے کے اوپر پہنا جاتا ہے۔ یہ جوتا مٹی اور کشش ثقل کی کمی کے دوران سطح پر گرفت کو مضبوط بناتا ہے۔

چاند پر موجود نیل آرم اسٹرانگ کے قدم کا نشان اسی اوور شو کا ہے۔

Quoraبشکریہ