سردیوں میں خشک ہونٹوں سے نجات حاصل کرنے کےلئے ان پر روازنہ بادام کا تیل، کاسمیٹک آئل یا لپ بام لگائیں،پھر ٹوتھ برش کی مدد سے 1 منٹ تک صاف کرکے دھو لیں۔
٭چہرے پر زیتون کے تیل کا مساج
زیتون کے تیل کے مساج سے آپ کی جلد بہت نرم و ملائم ہوسکتی ہے۔ سب سے پہلے اپنے چہرے پر گرم پانی سے بھانپ لے لیں پھر زیتون کے تیل سے 7 منٹ تک مساج کریں۔ ہر چار دن بعد اس مساج کو کریں۔
٭شہد اور آئی ڈراپ سے ایکنی بھگائیں
اگر چہرے پر ایکنی ہونے لگیں تو 15 منٹ کےلئے اس پر شہد لگائیں پھر نیم گرم پانی سے دھولیں۔ اس کے علاوہ چہرے پر سے ایکنی کے داغ صاف کرنے کےلئے دھوئی پر آئی ڈراپس ڈال کر 3 سے 5 منٹ کےلئے فریزر میں رکھ دیں پھر روئی کو متاثرہ جگہوں پر لگاکر ایکنی سے چھٹکارہ حاصل کریں۔
٭ میک اپ ریموور
ایک جار میں 3:1 پانی اور زیتون کا تیل ڈالیں اور اچھی طرح مکس کرلیں۔ اس کی مدد سے آپ اپنا میک اپ باآسانی صاف کرسکتے ہیں۔
٭ بیکنگ سوڈا حلقے بھگائے
گرم پانی یا چائے میں ایک چائے کا چمچہ بیکنگ سوڈا شامل کریں اور روئی کی مدد سے آنکھوں کے حلقوں میں لگا لیں، پھر 10 سے 15 منٹ بعد آنکھیں صاف کرلیں۔
٭ کیلے کا ماسک
کیلے کا ماسک بنانے کےلئے آپ کو 1 کیلا، 1 انڈہ ، 1 کھانے کا چمچہ شہد ملا کر اچھی طرح مکس کرنا ہے، جب ماسک اسموتھ ہوجائے تو اس کو اپنے بالوں پر لگالیں پھر چند گھنٹوں بعد اپنے بالوں کو نیم گرم پانی سے دھولیں۔ اس ماسک کو ہفتے میں ایک بار استعمال کریں۔
نوٹ: یہ مضمون محض عام معلومات کےلئے ہے، اس پر عمل کرنے سے قبل اپنے معالج سے ضرور مشورہ کرلیں۔
