کراچی :پاکستان پیپلز پارٹی کے چیئرمین بلاول بھٹو زرداری  آجکل ملکی سیاست میں کافی سرگرم نظر آرہے ہیں اور اپنی جماعت کے کارکنوں کو متحرک کرنے کیلئے مختلف شہروں کے دورے کررہے ہیں ۔

 اہم بات یہ ہے کہ بلاول صرف ملکی سیاست میں ہی سرگرم نہیں ہیں بلکہ وہ انسٹاگرام پر بھی کافی متحرک ہیں اور اب انہوں نے اپنے انسٹاگرام اکاونٹ پر معروف امریکی اسٹار پیرس ہلٹن کیساتھ سیلفی بھی شیئر کی ہے۔

سیلفی میں بلاول بھٹو امریکی اسٹار کے ساتھ موجود ہیں اور دونوں کے چہرے پر مسکراہٹ دیکھی جاسکتی ہے۔

پی پی پی چیئرمین بلاول بھٹو جلد اپنا پارلیمانی مستقبل شروع کرنے والے ہیں اور غالب امکان ہے کہ وہ ضمنی انتخابات میں کسی نشست پر حصہ لے کر آئندہ سال پارلیمان کا حصہ ہونگے۔

واضح رہے کہ پیرس ہلٹن کا شمار نہ صرف مشہور بلکہ ارب پتی اداکاراوں میں ہوتا ہے اور وہ ہلٹن ہوٹلز کی بھی مالک ہیں جس کی کئی شاخیں امریکا اور دنیا بھر میں موجود ہیں۔