کھانے کے شوقین افراد پوری دنیا میں موجود ہوتے ہیں۔ ان افراد کو ہر قسم کا کھانا ،کھانا پسند ہوتا ہے اور وہ اس پسندیدگی میں اکثر اوقات اتنا کھا بیٹھتے ہیں کہ ان کا معدہ بھی پریشان ہوجاتا ہے۔
کچھ لوگ کھاتے ہوئے اس بات کا خیال نہیں رکھتے کہ اگر کچھ غذاؤں کو ایک ساتھ کھا لیا جائے تو وہ کتنی خطرناک ثابت ہوسکتی ہیں۔
ایسے ہی چند غذاؤں کا ذکر درج ذیل کیا جارہا ہے، جن کا جاننا آپ کیلئے بہت ضروری ہے ۔ کیونکہ ان غذاؤں کا ایک ساتھ کھانا آپ کو کسی بڑے خطرے میں ڈال سکتے ہیں۔
٭ پیپر منٹ اور کولڈ ڈرنکس
کبھی بھی پیپرمنٹ اور کولڈ ڈرنکس کو ایک ساتھ استعمال نہیں کرنا چاہیئے۔ ان دونوں چیزوں کا استعمال آپ کے معدے کےلیے خطرناک ثابت ہوسکتا ہے اور آپ کو گیسٹرو کی شکایت ہوسکتی ہے۔
٭ تربوز اور دودھ
تربوز جس میں پانی کی مقداربہت زیادہ پائی جاتی ہے۔ لہذا اس پھل کے ساتھ کوئی دوسری چیز نہیں کھانی چاہیئے ، مثال کے طور پر تربوز کے ساتھ چاول، لسی اور دودھ جیسی چیزوں کا استعمال بالکل نہیں کرنا چاہیئے۔ تربوز کا ان غذاؤں کے ساتھ استعمال آپ کی صحت کےلیے بہت خطرناک ثابت ہوسکتا ہے۔
٭ پپیتا اور پانی
کبھی بھی پپیتا کھانے کے بعد پانی نہیں پینا چاہیئے ، اگر دونوں چیزوں کو ایک ساتھ کھا لیا جائے تو اس سے آپ کا نظام ہاضمہ متاثر ہوسکتا ہے۔ اس کے علاوہ تربوز اور کھیرے کے اوپر بھی پانی ہرگز نہیں پینا چاہیئے۔
٭انڈے اور دودھ
انڈے اور دودھ ایک ساتھ کھانے کا فوری ری ایکشن سامنے نہیں آتا، لیکن ان دونوں چیزوں کا استعمال وقت گزرنے کے ساتھ انسانی جسم کےلیے خطرناک ثابت ہوسکتا ہے۔ چونکہ دونوں چیزوں میں پروٹین شامل ہوتا ہے ، جس کے باعث یہ ہضم ہونے میں وقت لگاتی ہیں۔
٭ سرکہ اور چائے
سرکے اور چائے کا استعمال ایک ساتھ نہیں کرنا چاہیئے۔ ان دونوں چیزوں کو اگر ایک ساتھ استعمال کرلیا جائے تو معدے میں زہریلے مواد پیدا ہوجاتے ہیں جوکہ انسانی صحت کو نقصان پہنچا سکتے ہیں۔
نوٹ: یہ مضمون محض عام معلومات عامہ کے لیے ہے۔
