پاکستانی شوبز انڈسٹری میں بہت سے ایسے اداکار اور گلوکار ہیں جنہوں نے ہدایت کی روشنی حاصل کی اور اپنے سچے مذہب(اسلام)کی جانب راغب ہو گئے۔انہوں نے مذہب کی جانب مائل ہوتے وقت فیصلہ کیا تھا کہ اب وہ اداکاری اور گلو کاری کو مکمل طور پر خیر باد کہہ دیں گے اور ایسا ہی ہوا۔ ہمیں جنید جمشید کے روپ میں بہت سی ایسی مثالیں ملتی ہیں ،جنہوں نے شوبز کی دنیا کو خیرباد کہہ کر مکمل طور پر اسلام کا لبادہ اوڑھ لیا ۔ تاہم پاکستان شوبز انڈسٹری میں بہت سے ایسے اداکار اور گلوکار بھی ہیں جنہوں نے شوبز کو خیر باد تو کہا لیکن پھر سے اسی دنیا میں لوٹ آئے ۔ پاکستان انڈسٹری سے تعلق رکھنے والے تمام لوگ بہت ہی قابل عزت ہیں ،ہمیں ان پر بیحد فخر ہے،تاہم یہاں صرف لوگوں کی معلومات میں اضافے کیلئے ان ادکاروں اور گلوکاروں کی فہرست جاری کی جارہی ہے جو ایک بار پھر شوبز کی جگمگاتی دنیا کا حصہ بن چکے ہیں۔ نجم شیراز ماضی میں نجم شیراز ایک بہت ہی اچھے اور منجھے ہوئے گلوکار کے روپ میں ابھر کر سامنے آئے،ان کی شہرت نہ صرف پاکستان میں بلکہ بھارت میں بھی تھی ،تاہم اچانک ہی انہوں نے گلوکاری کو خیرباد کہا اور اسلام کی جانب راغب ہو گئے۔ پھر ہم نے انہیں مختلف چینلز پر نعت خوانی کرتےاور رمضان ٹرانسمیشن کرتے ہوئے دیکھا ۔ تاہم نجم ایک بار پھر پاکستانی نجی چینل کے ڈرامے 'یہاں پیار نہیں ہے' کا ٹائٹل سونگ گا کر شوبز کی دنیا میں قدم رکھ چکے ہیں ۔ فرحان علی آغا فرحان علی آغا کو ان کے کیر ئیر کے شروعات میں مداحوں کی جانب سے کافی پزیرائی حاصل ہوئی،تاہم انہوں نے بھی نجم کے نقش قدم پر چلتے ہوئے پاکستان ڈرامہ انڈسٹری کو خیرباد کہہ دیا۔ لیکن ایک بار پھر فرحان کی واپسی ایک اداکار کے روپ میں ہوئی ہے۔ علی حیدر پاکستان کے مایہ ناز اور قابل فخر گلوکار علی حیدر کے مداح نہ صرف لاکھوں کی تعداد میں ہیں ،بلکہ ان سے بے انتہا پیار بھی کرتے ہیں۔ گزشتہ کچھ عرصہ پہلے اس باصلاحیت گلوکارنے شوبز انڈسٹری کو مکمل طور پر خیرباد کہہ دیا تھا،اور پھر وہ ٹی وی پر نعت خوانی کرتے اور نوحے پڑھتے نظر آئے،اس کے علاوہ مختلف مذہبی پروگرامز میں بھی بارہا دکھائی دئے۔ لیکن علی ایک بار پھر اپنا میوزک البم لونچ کر کےاس جگمگاتی دنیا کا حصہ بننے جا رہے ہیں۔ علی فضل
