عظيم باکسرمحمد علی نے پاکستان کا دورہ بھی کیا۔ انہی کی وجہ سے لیاری میں باکسنگ کا کھیل پروان چڑھا۔

بیسویں صدی کے عظیم باکسرمحمد علی 1989 میں اسلام آباد میں ہونے والے سیف گیمزمیں بطورچیف گیسٹ شرکت کرنے کیلئے پاکستان آئے۔ محمد علی نے اس وقت کے پنجاب کے وزیراعلیٰ میاں نوازشریف سے ملاقات کی۔ انہوں نے لاہور کا بھی رخ کیا اور داتادربار پر حاضری دی۔ لاہور کے کنئیرڈ کالج کی طالبات کو فیلڈ میں آنے کیلئے ان کی حوصلہ افزائی کی۔

مختصردورے میں محمد علی نے لیاری کے معروف ترین باکسنگ کوچ استاد نذر محمد اور اداکار سلطان راہی سے بھی  پاکستان میں باکسنگ کے حوالے سے بیٹھک لگی۔ لیاری کے باکسرز نے بھی محمد علی سے ملاقات کی اور ان سے باکسنگ کے گر سیکھے۔