بھارتی فلم انڈسٹری کے لیجنڈ اداکار دلیپ کمار کا شمار نہ صرف بھارتی سینما بلکہ پوری دنیا کے اُن چند اداکاروں میں ہوتا ہےجنہوں نے اپنی بہترین اداکاری کے باعث نہ صرف ہندی سینما میں بلکہ پوری دنیا میں ایک الگ پہچان بنائی ہے۔
حال ہی میں دلیپ کمار کی ناساز طبعیت کی خبر پوری فلم انڈسٹری پر بجلی بن کر گری ،نہ صرف ان کے ساتھ کام کرنے والے ادا کار بلکہ ان کے مداحوں نے بھی ان کی صحتیابی کیلئے دعائیں کیں۔
دلیپ کمار کے بارے میں ہم آپ کو بتاتے چلیں کہ ان کا اصل نام یوسف خان ہے،لیکن انہیں شہرت دلیپ کمار کے نام سے حاصل ہوئی۔یہاں دلیپ کمار کی چند فلموں کا ذکر کیا جا رہا ہے جن میں انہوں لازوال اداکاری کر کے اپنا نام سنہیری لفظوں میں لکھوایا ہے۔
دیوداس
دلیپ کمار کی بات کی جائے اور دیوداس کاذکر نہ ہو یہ ممکن نہیں ،دیوداس ان کی چند بہترین فلموں میں سے ایک ہے،اس فلم میں کی گئی شاندار اداکاری کو لوگ آج تک بھلا نہیں پائے ہیں،فلم کا مشہور مکالمہ کون کمبخت برداشت کرنےکو پیتا ہے آج تک لوگوں کے ذہنوں میں محفوظ ہے۔ نیا دور بلدیو راج چوپڑا کی ہدایتکاری میں بننےوالی فلم نیا دور بھی دلیپ جی کی یادگار فلموں میں سے ایک ہے،نیادور ان چندفلموں میں سے ایک ہے جو بلیک اینڈ وہائیٹ کے علاوہ رنگین اسکرین پر بھی ریلیز ہوئی ہے۔ مغل اعظم
