بلوچستان کے علاقے اورماڑہ کے ساحل پر نایاب ریسو ڈولفن کی آمد کے باعث ماہیگیروں کی خوشی کی انتہا نہیں رہی۔
اورماڑہ میں ایک نایاب قسم کی ڈولفن کو ساحل کے قریب دیکھا گیا۔
یہ خوبصورت مخلوق ساحل پر نظر آتے ہی ماہی گیروں نے اس کا استقبال کیا اور پھر اسے واپس گہرے سمندر کی طرف روانہ کردیا تاکہ وہ اپنے قدرتی ماحول میں واپس جا سکے۔
اس ڈولفن کو ریسو ڈولفن کہا جاتا ہے، یہ اورماڑہ ساحل پر پھنس گئی تھی، ماہی گیروں نے ڈولفن کی فوری مدد کی اور اسے محفوظ طریقے سے سمندر میں چھوڑ دیا۔
اس منظر کو دیکھنے کے لیے مقامی لوگ بھی موجود تھے، جو اس نایاب ڈولفن کی آمد کے موقع پر خوشی کا اظہار کر رہے تھے۔
