Aaj Logo

شائع 09 مارچ 2025 09:01pm

مساجد میں لاؤڈ اسپیکر کے استعمال پر سخت قانونی کارروائی کا فیصلہ

راولپنڈی کی مساجد میں لاؤڈ اسپیکر کے استعمال پر سخت قانونی کارروائی کا فیصلہ کرلیا گیا، سی پی او نے حکم نامہ جاری کردیا۔

حکم نامے کے مطابق راولپنڈی میں مساجد میں اذان اور خطبہ جمعہ کے علاوہ لاؤڈ اسپیکر کی اجازت نہیں، تمام ایس ایچ اوز اپنے علاقوں میں لاؤڈ اسپیکر کے زائد استعمال پر پابندی یقینی بنائیں۔

حکم نامے کے مطابق خلاف ورزی کی صورت میں حسب ضابطہ کاروائی عمل میں لائی جائے گی، جس کا باقاعدہ سی پی او کی جانب سے حکم نامہ جاری کردیا گیا ہے۔

Read Comments