انڈونیشیا نے 2025 میں پاکستان سے ایک لاکھ میٹرک ٹن بھینس کا گوشت درآمد کرنے کا فیصلہ کیا ہے۔

مقامی میڈیا آؤٹ لیٹ ”کونتان“ کے مطابق نیشنل فوڈ ایجنسی کے سربراہ عارف پرستییو آدی نے کہا کہ پاکستان سے گوشت خریدنے کا فیصلہ کم قیمتوں کے باعث کیا گیا ہے۔

رپورٹ کے مطابق گزشتہ سال انڈونیشیا نے بھارت سے بھینس کا گوشت درآمد کیا تھا، تاہم اس سال پاکستان کو ترجیح دی گئی ہے۔

انڈونیشیا نے 2025 میں مجموعی طور پر ایک لاکھ 80 ہزار میٹرک ٹن گائے کا گوشت اور ایک لاکھ میٹرک ٹن بھینس کا گوشت درآمد کرنے کا ہدف مقرر کیا ہے۔