Aaj Logo

شائع 11 فروری 2025 10:05am

چوریوں سے تنگ امام نے مسجد کے گلّے میں کرنٹ چھوڑ دیا، نشئی جاں بحق

پتوکی میں مسجد کے گلّے سے چوری کرنے کی کوشش کے دوران کرنٹ لگنے سے ایک نشئی جاں بحق ہوگیا۔

پولیس کے مطابق مسجد میں موجود گلے سے ہر چند دن بعد چوری کی وارداتیں ہو رہی تھیں، جس سے تنگ آکر امام مسجد نے گلے میں کرنٹ چھوڑ دیا۔

گزشتہ رات چور دوبارہ غلے کا صفایا کرنے پہنچا، مگر بجلی کے جھٹکے سے موقع پر ہی دم توڑ گیا۔

واقعے کی اطلاع ملتے ہی پولیس نے موقع پر پہنچ کر تفتیش شروع کر دی ہے، جبکہ امام مسجد سے بھی پوچھ گچھ کی جا رہی ہے۔

Read Comments