بانی پی ٹی آئی کی ترسیلات زر نہ بھیجنے کی اپیل زمین بوس ہو گئی ہے، جنوری 2025 میں بیرون ملک مقیم پاکستانیوں کی جانب سے ترسیلات زر میں نمایاں اضافہ دیکھنے میں آیا ہے۔ اسٹیٹ بینک کے مطابق رواں سال جنوری میں 3 ارب ڈالر ملک بھیجے گئے، جو گزشتہ سال جنوری کے مقابلے میں 25 فیصد زیادہ ہیں۔
اعداد و شمار کے مطابق مالی سال 2025 کے ابتدائی سات مہینوں میں ترسیلات زر 20.8 ارب ڈالر تک پہنچ گئیں، جو پچھلے مالی سال کے اسی عرصے کے مقابلے میں 31.7 فیصد زیادہ ہیں۔ مالی سال 2024 کے ابتدائی سات مہینوں میں 15.8 ارب ڈالر کی ترسیلات ریکارڈ کی گئی تھیں۔
ملکوں کے لحاظ سے جائزہ لیا جائے تو جنوری 2025 میں سعودی عرب سے 72.83 کروڑ ڈالر، متحدہ عرب امارات سے 62.17 کروڑ ڈالر، برطانیہ سے 44.36 کروڑ ڈالر، اور امریکا سے 29.85 کروڑ ڈالر پاکستان بھیجے گئے۔
معاشی ماہرین کے مطابق ترسیلات زر میں اضافہ حکومت کی معاشی پالیسیوں پر اعتماد کا اظہار ہے، جبکہ سیاسی تجزیہ کاروں کا کہنا ہے کہ پی ٹی آئی کا ملک دشمن بیانیہ اپنی موت آپ مر چکا ہے۔
