امریکا کو ٹکر دینے والا ڈیپ سیک کا بانی کون ہے؟ چینی اے آئی ایپ نے چیٹ جی پی ٹی سمیت دیگر کے لیے خطرے کی گھنٹی بجا دی ہے۔

دنیا میں سب سے پہلے چیٹ جی پی ٹی آیا، پھر جیمنی، اس کے بعد گروک لیکن جب ڈیپ سیک آیا تو اس نے ٹیکنالوجی کی دنیا میں ایک ہلچل سی مچا دی ہے۔

چینی اسٹارٹ اپ ڈیپ سیک کی مصنوعی ذہانت (اے آئی) اسسٹنٹ اپنے سب سے بڑے حریف چیٹ جی پی ٹی کو پیچھے چھوڑتے ہوئے امریکا میں ایپل کے ایپ اسٹور پر دستیاب ٹاپ ریٹڈ مفت ایپلی کیشن بن گئی ہے، جس سے امریکی ٹیک مارکیٹ میں تشویش پائی جاتی ہے۔

چینی اے آئی چیٹ باٹ ’ڈیپ سیک‘ شروع ہوتے ہی سائبر حملے کا شکار

ڈیپ سیک نے سرمایہ کاروں کو پریشان کرتے ہوئے ایک دن میں ایک کھرب امریکی ڈالرز کا صفایا کر دیا۔ ’AI‘s Sputnik لمحے’ کے طور پر استعمال ہونیوالے AI اسسٹنٹ نے Apple کے App Store پر ٹاپ رینک پر جا کر امریکا میں ڈاؤن لوڈز میں چیٹ جی پی ٹی کو پیچھے چھوڑ دیا۔

ڈیپ سیک کے 39 سالہ بانی لیانگ نے جولائی 2024 میں چینی میڈیا آؤٹ لیٹ 36 کے آر کو بتایا کہ “اوپن اے آئی کوئی خدا نہیں اور ہمیشہ سب سے آگے نہیں رہ سکتا، اور اس کے چند ماہ بعد انہوں نے اچانک سے ’ڈیپ سیک‘ جیسا دھماکا کر دیا۔

’ڈیپ سیک‘ صرف 20 ماہ پرانا اسٹارٹ اپ ہے لیکن اس نے اپنے گراؤنڈ بریکنگ AI اسسٹنٹ کے ساتھ نہ صرف دنیا کی توجہ حاصل کی ہے، بلکہ اس نے AI کے لیے نئے انداز کے ساتھ عالمی مارکیٹ کو بھی متاثر کیا ہے۔ سلیکن ویلی پہلے ہی گرمی محسوس کر رہی ہے۔

چینی چیٹ باٹ ’ڈیپ سیک‘ نے ایک ہی دن میں بڑی ٹیک کمپنیوں کو سیکڑوں ارب ڈالر کا نقصان کروا دیا

بین الاقوامی میڈیا نے ’ڈیپ سیک‘ کو سرد جنگ کے دور کا “ حیرت ناک“ لمحہ قرار دیا ہے جو کہ AI میں نئے دور کی پیشینگوئی کرتا ہے۔

اس انقلاب کے مرکز میں ’ڈیپ سیک‘ کے بانی خود ساختہ انجینئرنگ کے ماہر لیانگ وینفینگ ہیں، ان کو چین میں اپنے شروعات کے دوران شدید مشکلات کا سامنا کرنا پڑا۔

لیانگ نے اسٹاک چننے والے AI اسٹارٹ اپ کو اوپن AI کا سب سے مضبوط حریف بنا دیا۔ اور ڈیپ سیک کا تازہ ترین اقدام سرمایہ کاری مؤثر، اوپن سورس AI چیٹ بوٹ جو پہلے ہی مقابلے سے بہتر کارکردگی کا مظاہرہ کر رہا ہے، اب ہر کوئی پوچھ رہا ہے کیا یہ نئی ٹیکنالوجی کے دور کا آغاز ہو سکتا ہے؟