شہر قائد کراچی میں میں سردی کی شدت میں اضافہ ہوگیا ہے، محکمہ موسمیات کا کہنا ہے کہ شہر میں آج وقفے وقفے سے تیز ہوائیں چلنے کا امکان ہے، آئندہ چوبیس گھنٹوں کے دوران خشک موسم کے ساتھ خنک رات محسوس کی جائے گی۔

محکمہ موسمیات کے مطابق شہر میں اس وقت موسم سرد اور خشک ہے، موجودہ درجہ حرارت 12 ڈگری سینٹی گریڈ ہے لیکن سردی کی شدت 10 ڈگری سینٹی گریڈ تک محسوس کی جارہی ہے۔

شہر میں زیادہ سے زیادہ درجہ حرارت 26 ڈگری سینٹی گریڈ تک جانے کا امکان ہے۔

چیف میٹرولوجسٹ سردار سرفراز کا کہنا ہے کہ 15 جنوری سے رات کا درجہ حرارت سنگل ڈجٹ میں گر سکتا ہے، 17 جنوری سے مغربی ہواوں کا سلسلہ داخل ہوگا، جس کے بعد سردی کی شدت میں کمی متوقع ہے۔

محکمہ موسمیات نے بتایا کہ ہوا میں نمی کا تناسب 40 فیصد ہے، شمال مشرق سمت سے 9 کلو میٹر فی گھنٹہ کی رفتار سے ہوا چل رہی ہے۔

شہر قائد میں فضائی معیار مضر ہے، دنیا کے آلودہ ترین شہروں میں کراچی پانچویں نمبر پر موجود ہے، ہوا میں آلودہ ذرات کی مقدار 215 پرٹیکیولیٹ میٹرز ریکارڈ کی گئی ہے۔