پاکستان پیٹرولیم نے گیس کی پیداوار شروع کرنے کا اعلان کردیا، گیس پیداوار شروع کرنے سے متعلق پاکستان اسٹاک ایکسچینج کو آگاہ کردیا۔

ملکی معیشت کے لیے اچھی خبر ہے کہ پاکستان پیٹرولیم لمیٹڈ (پی پی ایل) نے گیس کی پیداوار شروع کرنے کا اعلان کر دیا۔

پاکستان پٹرولیم نے کوٹری سے گیس پیداوار شروع کرنے سے متعلق پاکستان اسٹاک ایکسچینج کو آگاہ کردیا۔

پی پی ایل نے خط میں کہا کہ کوٹری نارتھ بلاک 1 سے گیس کی یومیہ پیداوار 5.3 ایم ایم ایس سی ایف ڈی ہے، کنوئیں سے یومیہ گیس کا حصول 950 پاؤنڈ فی مربع انچ کے ساتھ ہو رہا ہے۔

خیال رہے کہ کوٹری سے گیس پیداوار میں پاکستان پیٹرولیم، یونائیٹڈ انرجی پاکستان لمیٹڈ اور ایشیا ریسورسز آئل لمیٹڈ کے مشترکہ شیئرز ہیں، کوٹری میں ٹکری 1 کنوئیں سے ملنے والی گیس کو علی آباد پراسیسنگ پلانٹ سے سوئی سدرن سسٹم میں شامل کیا جا رہا ہے۔