افغان موسیقاروں کی پاکستان میں پناہ اور زبردستی ملک بدری کے خلاف دائر درخواست پر سماعت کے دوران عدالت نے افغان موسیقاروں کو زبردستی افغان واپس بھیجنے سے روک دیا۔
عدالت نے گزشتہ سماعت کا دو صفحات پر مشتمل مختصر فیصلہ جاری کردیا۔ فیصلے کے مطابق وفاقی حکومت خود یا متعلقہ افسران افغان موسیقاروں کی پناہ کی درخواستوں پر دو ماہ میں فیصلہ کریں، دو ماہ تک افغان موسیقاروں کو زبردستی واپس نہ بھیجا جائے۔
پشاور ہائی کورٹ میں افغان موسیقاروں کی پاکستان میں پناہ اور زبردستی ملک بدری کے خلاف دائر درخواست پر سماعت ہوئی۔
مختصر فیصلہ کے مطابق وفاقی حکومت خود یا متعلقہ افسران افغان موسیقاروں کی پناہ کی درخواستوں پر دو ماہ میں فیصلہ کریں۔ مختصر فیصلہ کے مطابق افغان موسیقار پناہ کے لیے یو این ایچ سی آر میں بھی ایپلائی کر سکتے ہیں۔
مختصر فیصلے کے مطابق دو ماہ میں فیصلہ نہ ہونے کی صورت وزارت داخلہ درخواست افغان موسیقاروں کو مزید رہنے کی اجازت دیں۔
عدالتی فیصلے کے مطابق حکومت جب تک ان کیسز پر فیصلہ نہیں کرتی وفاقی،صوبائی حکومت اور قانون نافذ کرنیوالے ادارے موسیقاروں کیخلاف کوئی سخت ایکشن نہ لیں اور اس حوالے سے موسیقاروں کی درخواستیں نمٹا دی جاتی ہے۔
