کراچی میں ملیر ماڈل کالونی میں چوری کی ایک نئی واردات میں خواتین کے ساتھ چھوٹے بچوں کا بھی استعمال کیا جا رہا ہے۔ چھ جنوری کو ایک کاسمیٹک کی دکان میں خاتون اور بچی نے موبائل فون اور پرس چوری کیا اور فرار ہوگئیں۔
آج نیوز نے واردات کی سی سی ٹی وی فوٹیج حاصل کر لی ہے، جس میں خاتون اور بچی کو چوری کرتے ہوئے واضح طور پر دیکھا جا سکتا ہے۔
ملزمان نے سیلز گرل کو باتوں میں الجھا کر چوری کی واردات کی۔ واردات کے لیے چار خواتین رکشے میں آئیں تھیں۔
واردات کے بعد تمام خواتین رکشے میں فرار ہوگئیں، جس سے ان کی چالاکی اور منصوبہ بندی ظاہر ہوتی ہے۔
