سپریم کورٹ نے سابق چیف جسٹس قاضی فائز عیسیٰ اور جسٹس سردار طارق مسعود کے خلاف اپیل خارج کردی۔

سپریم کورٹ کے جج جسٹس جمال مندوخیل نے چیمبر اپیل غیر مؤثر ہونے پر خارج کردی۔

یاد رہے کہ ایڈووکیٹ محمد شاہد رانا نے رجسٹرار آفس کے اعتراضات کے خلاف اپیل دائر کی تھی، پریکٹس اینڈ پروسیجر ایکٹ پر حکم امتناع ہونے کے باوجود مقدمات سننے پر درخواست دائر کی گئی تھی۔

درخواست میں سابق چیف جسٹس قاضی فائز عیسی اور جسٹس سردار طارق کے خلاف کارروائی کا مطالبہ کیا گیا تھا۔

جس کے بعد رجسٹرار آفس نے درخواست اعتراضات لگا کر واپس کردی تھی جبکہ درخواست گزار ایڈووکیٹ شاہد رانا نے اعتراضات کے خلاف چیمبر اپیل دائر کی تھی۔