نجی ایوی ایشن کمپنی اسکائی ونگز نے ایدھی فاؤنڈیشن کی قیادت میں پاکستان میں اپنی ایئر ایمبولینس سروس شروع کرنے کا اعلان کردیا۔
یہ سروس پائپر سینیکا طیارے سے اپنا کام شروع کرے گی، جدید طیارہ مریضوں کو ملک کے کسی بھی ہوائی اڈے سے بروقت طبی امداد کے لئےکراچی لائے گا، پروازکے دوران مریضوں کی مدد کے لیے طبی ٹیم بھی موجود ہوگی۔
پاکستان کی تاریخ میں پہلی مرتبہ ایئر ایمبولینس سے مریض کی منتقلی
اسکائی ونگز ایوی ایشن کے سی ای او عمران اسلم خان نے مستقبل قریب میں 2 اضافی طیارے شامل کرکے سروس کو وسعت دینے کے منصوبے کے عزم کا اظہار کیا ہے۔
انہوں نے کہا کہ کمپنی کا مقصد ملک بھر میں سہولت فراہم کرنا ہے، جس سے مریض کو دور دراز یا شہری علاقوں سے طبی سہولیات تک تیزی سے منتقل کیا جا سکے گا۔ یہ اقدام پاکستان میں ہنگامی طبی رسپانس کو بہتر بنانے کی کوششوں میں اضافہ کرتا ہے۔
پارا چنار میں ایئر ایمبولینس کے ذریعے ادویات اور خوراک کی فراہمی
واضح رہے کہ وزیر اعلیٰ پنجاب مریم نواز نے بھی صوبائی حکومت کے زیر انتظام ایئر ایمبولینس سروس شروع کی ہے، ایئر ایمبولینس سے زخمی خاتون کو کامیابی سے میانوالی سے راولپنڈی پہنچایا گیا۔
