کروڑوں روپے کی منی لانڈرنگ کیس کے گرفتار ملزم سکیش چندر شیکھر نے جیل سے بالی وڈ اداکارہ جیکولین فرنینڈس کو ایک خط لکھ کر بھیج دیا۔
بھارتی میڈیا رپورٹس کے مطابق سکیش چندر شیکھر200 کروڑ بھارتی روپے کے منی لانڈرنگ کیس میں2015 سے بھارت کی تہاڑ جیل میں قید ہیں کرسمس کے موقع پر اس نے جیل سے ہی خط کے ہمراہ جیکولین کو کرسمس کا شاندار تحفہ بھی بھیجا ہے۔
گووندا اپنی بیٹی کے لیے کیوں فکرمند رہتے تھے؟
بھارتی میڈیا کے مطابق سکیش نے جیکولین کیلئے 25 دسمبر کو کرسمس کے موقع پر خط لکھا تھا جو کہ وائرل ہوگیا ہے۔
خط میں سکیش نے جیکولین کو ’بیبی گرل‘ کہہ کر مخاطب کرتے ہوئے کرسمس کی مبارکباد دی اور افسوس کیا کہ جیکولین کرسمس کا تہواراس سے الگ منا رہی ہے۔
بھارتی بینک ابھیشیک بچن کو ماہانہ 18 لاکھ روپے کیوں دیتا ہے؟
سکیش کے جیکولین کو لکھے گئے خط کے مطابق مائی لوو! آپ سے دوری مجھے آپ کے لیے سینٹاکلاز بننے سے نہیں روک سکتی، میرے پاس اس سال آپ کے لیے ایک بہت ہی خاص تحفہ ہے، آج میں آپ کو شراب کی بوتل نہیں بلکہ محبت کے ملک’ فرانس’ میں ایک انگور کا باغ تحفے میں دے رہا ہوں، ایسا تحفہ جس کا آپ نے کبھی خواب میں بھی نہیں سوچا ہوگا۔
بھارتی میڈیا کے مطابق سکیش اس سے پہلے بھی کئی خط جیکولین کو لکھ چکا ہے اور پچھلے تمام خطوط کی طرح جیکولین نے اس خط کا بھی کوئی جواب نہیں دیا۔
واضح رہے کہ اس سے قبل عدالت میں پیشی کے موقع پر سکیش نے صحافیوں کے ذریعے اداکارہ جیکولین کو ویلنٹائن وِش بھی کیا تھا۔
بھارتی میڈیا کے مطابق اداکارہ جیکولین فرنینڈس پر الزام ہے کہ اس نے اپنے دوست چندرشیکھرسے مہنگے تحائف وصول کیے ہیں جبکہ چندرشیکھرکروڑوں روپےکے فراڈ اور بھتہ وصول کے سنگین الزامات میں ملوث ہے جن کی تحقیقات تاحال جاری ہیں۔
