چیئرمین جوائنٹ چیفس آف اسٹاف کمیٹی جنرل ساحر شمشاد مرزا سرکاری دورے پرکویت پہنچ گئے، ولی عہد شیخ صباح الخالد الحمد الرحمٰن سمیت کویت کی اعلیٰ قیادت سے ملاقاتیں کیں اور دوطرفہ امور اور دفاعی تعاون پر تبادلہ خیال کیا گیا.
پاک فوج کے شعبہ تعلقات عامہ (آئی ایس پی آر) کے مطابق چیئرمین جوائنٹ چیفس آف اسٹاف کمیٹی جنرل ساحر شمشاد مرزا کویت کے سرکاری دورے پر ہیں جہاں انہوں نے کویت کے ولی عہد شیخ صباح الخالد الحمد الرحمٰن ،کویت کے اول نائب وزیراعظم اور وزیر دفاع شیخ فہد یوسف الصباح سمیت دیگر حکام سے ملاقاتیں کیں ہیں۔
جنرل ساحر شمشاد مرزا کا دورہ عراق، اہم ملاقاتیں، تعلقات کو مضبوط بنانے پر اتفاق
چیئرمین جوائنٹ چیفس آف اسٹاف کمیٹی جنرل ساحر شمشاد مرزا کا چین کا سرکاری دورہ
آئی ایس پی آر کے مطابق دونوں جانب سے دفاع اور سیکیورٹی کے شعبوں میں باہمی تعاون کو بٹھانے کے لیے نئی راہیں تلاش کرنے کی اہمیت پر زوردیا گیا ،
آئی ایس پی آر کے بیان میں کہا گیا ہے کہ چیئرمین جوائنٹ چیفس آف اسٹاف کمیٹی جنرل ساحر شمشاد مرزا کا مبارک العبداللہ جوائنٹ کمانڈ اینڈ سٹاف کالج کا بھی دورہ کیا، چیئرمین جوائنٹ چیفس آف اسٹاف کمیٹی کو اکیڈمی میں ہونے والی تربیتی سرگرمیوں کے بارے میں بریفنگ دی گئی۔
کویت پہنچنے پر چاق و چوبند دستے نے چیئرمین جوائنٹ چیفس آف اسٹاف کمیٹی جنرل ساحر شمشاد مرزا کو گارڈ آف آنر پیش کیا۔
