لاہور ہائیکورٹ اور علاقائی بینچز میں موسم سرما کی تعطیلات کا اعلان کر دیا گیا، کیسوں کے سماعت کے لئے ججوں کے روسٹر جاری کر دیے گئے۔

موسم سرما کی تعطیلات کے جاری نوٹیفکیشن کے مطابق لاہور ہائیکورٹ اور علاقائی بینچز میں 25 دسمبر سے 8 جنوری تک موسم سرما کی تعطیلات ہوں گی۔

نوٹیفکیشن کے مطابق لاہور ہائیکورٹ کے عدالتی افسران اور ماتحت عدلیہ میں 25 دسمبر سے یکم جنوری تک موسم سرما کی تعطیلات ہوں گی، ڈیوٹی جج ضروری نوعیت کی درخواستوں پر سماعت کریں گے۔

جاری نوٹیفکیشن کے مطابق سردیوں کی چھٹیوں کے دوران 26 سے 31 دسمبر تک 15 سنگل بنچ اور 5 ڈویژن بنچ کیسز پر سماعت کریں گے۔ جبکہ یکم جنوری سے 8 جنوری تک 7 سنگل بنچ اور 2 ڈویژن بنچ کیسوں کی سماعت کریں گے۔