بھینس کالونی میں سی این جی اسٹیشن پر گیس فلنگ کے دوران اچانک وین میں آگ لگ گئی جس سے گاڑی میں موجود دس افراد زخمی ہوگئے، زخمیوں میں 3 بچے اور 4 خواتین شامل ہیں۔

ریسکیو ٹیمیں اور فائر بریگیڈ کی گاڑیوں نے موقع پر پہنچ کر آگ پر قابو پایا اور زخمیوں کو سول اسپتال کے برنس سینٹر منتقل کردیا۔

پولیس کے مطابق پانچ زخمیوں کی حالت تشویشناک ہے آگ سے جھلسنے والے تمام افراد کا تعلق ٹنڈو محمد خان سے ہے جو کراچی آئے تھے۔