26 نومبر کو شر پسندی کا شکار پاکستان رینجرزپنجاب کا ایک اور اہلکار شہید ہوگئے
تفصیلات کے مطابق 25 اور 26 نومبر کواحتجاج کی آڑ میں پرتشدد کاروائیوں میں شدید زخمی پاکستان رینجرز پنجاب کے 37 سالہ لانس نائیک محمد تنویرکومہ کی حالت میں تھے،شہید کا تعلق ضلع نارووال سے تھا۔
لانس نائیک محمد تنویر شہید نے 17سال تک دفاع وطن کا مقدس فریضہ سر انجام دیا، لانس نائیک محمد تنویر شہید کے سوگواران میں اہلیہ، 2 بیٹے اور تین بیٹیاں شامل ہیں۔
یاد رہے کہ 25/26 نومبر کواحتجاج کی آڑمیں پی ٹی آئی کارکنان نے پرتشدد حملے کیے، پی ٹی آئی کارکنان نے سرکاری املاک پہ حملے کیے اور ناقابل تلافی نقصان پہنچایا۔
رینجرز اہلکاروں کی شہادت پر وزیراعلیٰ پنجاب کا بیان سامنے آگیا
رینجرز اہلکاروں پرشرپسندوں کے حملے کی سی سی ٹی وی فوٹیج
پی ٹی آئی کے شرپسند وں کے حملوں سے رینجرز کے شہید اہلکاروں کی تعداد اب 4 ہو گئی جبکہ متعدد زخمی ہوئے تھے، اس کے علاوہ پنجاب پولیس کے دو اہلکار شہید جبکہ تقریباً 119 اہلکار زخمی ہوئے۔
پرتشدد کاروائیوں کے باعث اسلام آباد پولیس کے 11 اہلکار شدید زخمی ہوئے،پرتشدد واقعات اور توڑ پھوڑ کی متعددویڈیوز منظرعام پر آچکی ہیں۔
پی ٹی آئی کارکنان نے مختلف مقامات پر آگ بھی لگائی پرتشدد عناصر کے خلاف سخت قانونی کارروائی عمل میں لائی جائے گی۔
