Aaj Logo

شائع 19 دسمبر 2024 02:55pm

محسن عباس حیدر کے والد انتقال کر گئے

پاکستان شوبز سے وابستہ مشہور اداکار، میزبان اور گلوکارمحسن عباس حیدرکے والد قضائے الہی سے رحلت فرما گئے ہیں۔

محسن عباس حیدر نے اپنے والد کے انتقال کی خبر فوٹو اینڈ ویڈیو شیئرنگ ایپ انسٹاگرام پر دی ہے۔

انہوں نے انتہائی دکھ کے ساتھ اپنی پوسٹ میں لکھا ہے کہ میرے ابو کا انتقال ہوگیا ہے۔

محسن عباس کے والد کے انتقال کی خبر سنتے ہی مداحوں اور سلیبریٹیز نے کمنٹ سیکشن میں اپنے تعزیتی پیغام بھیجنا شروع کردیے ہیں۔

یاد رہے کہ اداکار اپنے انٹرویوز میں اکثر والدین سے محبت کا اظہار کرتے نظر آتے ہیں، اداکار ایک تکلیف دہ وقت سے گزر رہے ہیں اس سے قبل وہ اپنی بیٹی اور پھر والدہ کو کھو چُکے ہیں۔

Read Comments