پاکستان اسٹاک ایکسچینج میں مندی کی لہر جاری ہے، جس کے باعث آج بھی کاروبار کا منفی آغاز ہوا ہے۔

کاروباری ہفتے کے آخری روز کاروبار کے آغاز پر ہی 100 انڈیکس میں 2500 پوائنٹس سے زائد کمی ریکلارڈ کی گئی، جس کے بعد انڈیکس 1 لاکھ 8 ہزار 400 پر آگیا۔

دوران کاروبار بھی مندی کی لہر برقرار رہی اور 100 انڈیکسں 4300 پوائنٹس سے زائد کمی کے ساتھ 1 لاکھ 6 ہزار 700 پر آگیا۔

گزشتہ روز پاکستان اسٹاک ایکسچینج میں 100 انڈیکس 3790 پوائنٹس گر کر 1 لاکھ 11 ہزار 70 پوائنٹس پر بند ہوا تھا۔

ماہرین کا کہنا ہے کہ اسٹاک مارکیٹ میں کریکشن آرہی ہے، جلدی ریکوری بھی ہوجائے گی۔