سپریم کورٹ کے جج جسٹس جمال خان مندوخیل کی زیرصدارت رولز میکنگ کمیٹی نے اعلیٰ عدلیہ میں ججز کی تعیناتیوں کے لیے ابتدائی ڈرافٹ تیار کرلیا۔
ہائیکورٹس میں ججز کی تعیناتیوں کے معاملے پر سپریم کورٹ کے جسٹس جمال خان مندو خیل نے رولز میکنگ کمیٹی کے اجلاس کی صدارت کی۔
اجلاس میں اٹارنی جنرل منصور عثمان اعوان، سینیٹر فاروق ایچ نائیک، نمائندہ پاکستان بار کونسل اختر حسین اور سینیٹر علی ظفر بھی شریک ہوئے۔
ججز تقرری کمیشن کیلئے اسپیکر نے سپریم جوڈیشل کمیشن کو خط لکھ دیا
ذرائع کے مطابق رولز میکنگ کمیٹی نے ججز کی تعیناتیوں کے لیے ابتدائی ڈرافٹ تیار کرلیا۔
ذراٸع کے مطابق ججز رولز ڈرافٹ 21 دسمبر کو منظوری کے لیے جوڈیشل کمیشن اجلاس میں پیش کیا جائے گا۔
