خیبر پختونخوا کے مشیر اطلاعات بیرسٹر ڈاکٹر سیف نے کہا ہے کہ عدالتی حکم کے باوجود وزیراعلیٰ گنڈاپور کو بانی پی ٹی آئی سے ملاقات سے روکنا توہین عدالت ہے۔
مشیر اطلاعات کے پی نے کہا کہ صوبے کے چیف ایگزیکٹیو کو ڈپٹی سپرینڈنٹ جیل نے بتایا کہ آپ کو عمران خان سے ملنے کی اجازت نہیں ہے۔
علی امین گنڈاپور کو عمران خان سے ملاقات کی اجازت نہ مل سکی، انتظار کے بعد واپس روانہ
ان کا کہنا ہے کہ 26 ویں ترمیم کے بعد جعلی حکومت عدالتی احکامات کی دھجیاں اڑا رہی ہے، وزیراعلیٰ کی تضحیک پورے صوبے کی تضحیک ہے۔
انہوں نے کہا کہ جعلی حکومت صوبائی منافرت کو ہوا دے رہی ہے، گنڈا پور فارم 45 کے وزیراعلی ہیں، لیکن فارم 47 کی جعلی وزیراعلیٰ مریم نواز کے حکم پر وزیراعلیٰ کے پی کی تضحیک کی جا رہی ہے۔
ڈی آئی خان: جو دو بوتل شراب کے ساتھ دوڑ رہا ہو وہ کیا بانی کو آزاد کرائے گا، فیصل کریم کنڈی
مشیر اطلاعات خیبر پختونخوا بیرسٹر ڈاکٹر سیف نے حکم عدولی پردوبارہ عدالت سے رجوع کرنے کا عندیہ دے دیا۔
