لاہور ہائیکورٹ میں وزیر اعلیٰ پنجاب مریم نواز کی پی ٹی آئی کے خلاف تقاریر پر پابندی کیلئے درخواست دائر کر دی گئی ہے۔
پی ٹی آئی رہنما اکمل خان باری نے وکیل خرم لطیف کھوسہ کی وساطت سے درخواست دائر کی، جس میں چیئرمین پیمرا کو فریق بنایا گیا ہے۔
نو مئی کلمہ چوک کینٹینر جلانے کا مقدمہ: پی ٹی آئی کے 8 روپوش رہنما اشتہاری قرار
درخواست میں مؤقف اختیار کیا گیا کہ وزیر اعلیٰ پنجاب، بانی چیئرمین پی ٹی آئی اور پارٹی کے خلاف نفرت انگیز تقاریر کرتی ہیں، وزیر اعلیٰ کی تقاریر پارٹی کارکنوں میں اشتعال کا سبب بنتی ہیں۔
درخواست میں استدعا کی گئی کہ عدالت چیئرمین پیمرا کو وزیر اعلیٰ پنجاب کی نفرت انگیز تقاریر نشر پر پابندی کا حکم دے۔
