کراچی واٹر کارپوریشن کے مرکزی دفتر میں آتشزدگی کا واقعہ پیش آیا ہے، کارساز محکمہ ریونیو ریکوری ڈپارٹمنٹ کے کانفرنس روم میں ایئر کنڈیشنڈ کا سرکٹ جلنے سے آگ بھڑک اٹھی، تاہم اس پر قابو پالیا گیا۔

ابتدائی طور پر واٹر کارپوریشن کی گاڑیوں نے آگ بجھائی جبکہ فائر بریگیڈ کی 2 فائر ٹینڈرز بھی موقع پر آگ بجھانے کے لئے پہنچ گئیں تھیں۔

ترجمان واٹر کارپوریشن کے مطابق آگ لگنے کے واقعہ میں کوئی جانی نقصان نہیں ہوا ہے۔

ترجمان کے مطابق واٹر کارپوریشن کا تمام ریکارڈ محفوظ ہے ، اس حوالے سے خبروں میں صداقت نہیں ، ادارے کا ریکارڈ کمپیوٹرائزڈ اور متعلقہ ڈویژنوں میں محفوظ ہے ۔

ترجمان فائر بریگیڈ کے مطابق فائر فائٹرز نے کامیاب آپریشن کرتے ہوئے آگ پرقابوپا لیا گیا۔