کمپنی سروے میں تناؤ کی شکایت کرنا ملازمین کو مہنگا پڑ گیا، کمپنی نے ملازمت سے ہی فارغ کر دیا ، ہوم سیلون اور فلاح و بہبود کے پلیٹ فارم یس میڈم کی جانب سے مبینہ طور پر ای میل سوشل میڈیا پر لیک ہوگئی۔
بھارتی شہر نوئیڈا میں مبینہ ای میل کمپنی کے ایچ آر مینیجر آشو اروڑہ جھا کی جانب سے بھیجی گئی تھی ، یس میڈم کی اندرونی ای میل، ایک ہوم سیلون اور ٹیکنالوجی سے چلنے والا بیوٹی اینڈ ویلنس پلیٹ فارم پر نئے تنازعہ کو ہوا دی ہے ۔
کمپنی ای میل میں کہا گیا کہ جن ملازمین نے حالیہ سروے کے دوران تناؤ کا سامنا کرنے کی اطلاع دی تھی، انہیں ملازمت سے برطرف کر دیا گیا، معاملہ سوشل میڈیا پر وائرل ہونے پر متعقلقہ ادارے پر شدید تنقید جاری ہے۔
لنکڈ ان پر انڈیگو کے ڈیجیٹل مارکیٹنگ کے ایسوسی ایٹ ڈائریکٹر کے ذریعہ شیئر کیا گیا مبینہ لیک خط میں لکھا ہے کہ حال ہی میں ہم نے ملازمین کے جذبات و مسائل کو سمجھنے کے لیے سروے کیا تھا۔
خط کے مطابق ملازمین میں سے بہت سے لوگوں نے اس پر خدشات کا اظہار کیا، ادارے میں صحت مند ماحول کے فروغ کے لئے ہم ان کا دل کی گہرائیوں سے احترام کرتے ہیں۔
کمپنی کی جانب سے کہا گیا ہے کہ کوئی بھی ملازم کام پر تناؤ کا شکار نہ رہے، اور جن ملازمین نے تناؤ کی نشاندہی کی تھی، ہم نے ان سے علیحدگی اختیارکرنے کا مشکل فیصلہ کیا تاکہ وہ مزید ذہنی کرب سے بچ سکیں ۔
خط کے مطابق برطرفی کا فیصلہ فوری طور پر نافذ العمل ہے ، متاثرہ ملازمین کو مزید تفصیلات بعد مین بھیجی جائیں گی۔
