صوبائی دارالحکومت لاہور سمیت پنجاب کے مختلف علاقوں میں زلزلے کے جھٹکے محسوس کیے گئے، جس کے باعث لوگوں میں خوف و ہراس پھیل گیا اور لوگ گھروں سے باہر نکل آئے۔
تفصیلات کے مطابق پنجاب کے مختلف شہروں قصور، جہلم، سرائے عالمگیر، ننکانہ صاحب میں زلزلے کے جھٹکے محسوس کیے گئے، دینہ، گجرات، وزیرآباد اور مضافات میں بھی زلزلے کے جھٹکے محسوس کیے گئے۔
اس کے علاوہ پھالیہ، قصور، پھولنگر، سوہاوہ میں بھی زلزلہ محسوس کیا گیا جبکہ سرائے عالمگیر، کالا باغ اور دیگر علاقوں میں بھی زلزلے کے جھٹکے محسوس کیے گئے۔
مالاکنڈ اور گردونواح میں زلزلے کے جھٹکے، خوف وہراس پھیل گیا
سوات، گلگت سمیت خیبر پختونخوا کے مختلف علاقوں میں زلزلہ کے جھٹکے
زلزلے کے جھٹکوں کے باعث لوگوں میں خوف وہراس پھیل گیا، زلزلہ آتے ہی شہری کلمہ طیبہ کا ورد کرتے ہوئے دفاتر ، گھروں اور عمارتوں سے باہر نکل آئے۔
ابتدائی طور پر زلزلے کے باعث کسی قسم کے جانی اور مالی نقصان کی اطلاع موصول نہیں ہوئی ہے۔
زلزلہ پیما مرکز کے مطابق زلزلے کی شدت 4.8 ریکارڈ کی گئی اور اس کا مرکز کھاریاں کے قریب اور گہرائی 15 کلومیٹر تھی۔
زلزلہ پیما مرکز کے مطابق ریکٹر سکیل پر زلزلے کی شدت 5.1 ریکارڈ کی گئی، زلزلے کا مرکز کھاریاں جبکہ گہرائی 15 کلومیٹر تھی۔
