قصبہ کالونی میں نالے سے ملنے والے خاتون کے سر کی شناخت ہوگئی۔

مقتولہ کے اہل خانہ نے ریسکیو ادارے سے رابطہ کیا تھا جس کے بعد مقتولہ کی شناخت 32 سالہ کلثوم کے نام سے ہوئی ہے جو خاموش کالونی کی رہائشی تھی۔

پولیس کے مطابق مقتولہ خاتون کا سر دیکھنے کے بعد لواحقین میں سے ایک خاتون نے بتایا کہ یہ میری بہو کلثوم زوجہ حنیف ہے۔

کراچی کے مختلف علاقوں سے 4 لاشیں برآمد، شناخت نہیں ہوسکی

خاتون نے بتایا کہ اس کی عمر 32 سال ہے اور ہفتے کے روز گھر سے یہ کہہ کر گئی تھی کہ اپنے رشتے داروں کے گھر جارہی ہوں جس کے بعد واپس نہیں آئی۔

کراچی: شہر کے مختلف علاقوں سے 10 افراد کی لاشیں برآمد

پولیس کے مطابق آج ہی کے روز پراچہ قبرستان سے نچلے دھڑ کے کچھ اعضاء بھی ملے ہیں جس کی شناخت ڈی این اے ٹیسٹ کے بعد ہوسکے گی کہ یہ اعضاء مقتولہ کلثوم کے ہیں یا کسی اور کے یہ پولیس ہی بتا سکے گی۔

اسلام آباد اور منڈی بہاؤالدین سے 3 افراد کی لاشیں برآمد

خاتون کا سر ملنے کے حوالے سے پولیس کا کہنا ہے کہ واقعے کی تفتیش فی الحال آگے نہیں بڑھ سکی ہے کیونکہ مقتولہ کے شوہر نے اب تک پولیس کو بیان ریکارڈ نہیں کرایا۔