ڈیرہ اسماعیل خان کے علاقے پہاڑپور میں پیر اصحاب کے قریب نامعلوم افراد نے پولیس موبائل پرفائرنگ کردی،فائرنگ کے نتیجے میں ایک اہلکار شہید، 2 زخمی ہو گئے۔

پولیس حکام کے مطابق شہید اہلکار کی شناخت اے ایس آئی میر غلام کے نام سے ہوئی ہے، جبکہ زخمیوں میں کانسٹیبل رؤف اور کانسٹیبل یوسف شامل ہیں۔

اطلاع ملنے پر پولیس کی بھاری نفری موقع پر پہنچ گئی، شہید اور زخمیوں کو ڈی ایچ کیو اسپتال منتقل کر دیا گیا۔

میانوالی: پولیس نے تھانے پر 20 سے زائد خارجی دہشتگردوں کا حملہ ناکام بنا دیا، 4 ہلاک

دوسری جانب ڈی آئی خان کے علاقے تھانہ درابن کی حدود درازندہ موڑ پولیس چیک پوسٹ پر مسلح افراد نے اچانک حملہ کر دیا، فائرنگ کے نتیجے میں یعقوب نامی کانسٹیبل زخمی ہوگیا۔

پولیس کی جوابی فائرنگ سے حملہ آور فرار ہوگئے، پولیس اور سیکیورٹی فورسز کی بھاری نفری موقع پر پہنچ گئی۔