پی ٹی آئی رہنما رؤف حسن نے اسلام آباد میں پی ٹی آئی احتجاج کے خلاف ریاستی آپریشن کے تناظر میں کہا ہے کہ ”جو صورتحال پیدا ہوئی، اس میں جان بچانے کے علاوہ کوئی راستہ نہیں تھا“۔

آج نیوز کے پروگرام نیوز انسائیٹ میں گفتگو کرتے ہوئے انہوں نے مزید الزام لگایا کہ ”نہتے شہریوں پر ریاست نے قاتلانہ وار کیا“ اور بتایا کہ ”ہماری اطلاعات کے مطابق بہت ساری اموات ہوئی ہیں“۔

رؤف حسن نے یہ بھی ذکر کیا کہ ”سیاسی کمیٹی کی میٹنگ ہو رہی ہے، جس میں مستقبل کے خدوخال طے ہوں گے“۔

رؤف حسن نے کہا کہ ”سیاسی کمیٹی کی میٹنگ ہو رہی ہے، جس میں مستقبل کے خدوخال طے ہوں گے“ اور یہ بھی کہ ”1، 2 روز میں ہم پلان میڈیا سے شیئر کریں گے“۔

انہوں نے مزید بتایا کہ ”ہمیں سنگجانی میں احتجاج کی آفر کی گئی تھی“، لیکن بانی پی ٹی آئی نے کہا کہ ”سنگجانی پر راضی نہیں ہوں گا“۔

رؤف حسن نے یہ وضاحت کی کہ ”ہمارا فیصلہ تھا کہ جناح ایوینیو کے کونے پر احتجاج کریں“ اور بتایا کہ ”سنگجانی پر اکثریت راضی نہیں ہوئی تھی“۔

انہوں نے بشری بی بی کے بارے میں کہا کہ ”ان کا غیر سیاسی کردار ہے“ اور یہ بھی کہ ”بانی کہہ چکے ہیں کہ ان کی فیملی سے کسی کا سیاسی کردار نہیں ہوگا“۔

آخر میں انہوں نے کہا کہ ”کچھ نہیں کہہ سکتا کہ گوہر صاحب وہاں کیوں موجود نہیں تھے“۔