ہالی ووڈ کے مشہور اداکار بریڈ پٹ سابقہ اہلیہ اور عالمی شہرت یافتہ اداکارہ انجلینا جولی نےاپنے چھ بچوں سے ملاقات کے لیے درخواست کرنے پر مجبورکردیا۔

غیر ملکی میڈیا رپورٹس کے مطابق انجلینا نے بریڈ کو ان کے بچوں میڈوکس، پیکس، زہارا، شایلو اور 16 سالہ جڑواں بچے نوکس اور ویوان سے دور کر دیا ہے۔

سکوئڈ گیمز اسٹار جنگ ہویان اور لی ڈونگ ہوئی نے بریک اپ کرلیا

اداکار اپنے بچوں سے کتنی محبت کرتے ہیں اس کا اندازہ ان کے ذرائع کے اس بیان سے لگایا جاسکتا ہے جو اس نے ایک غیر ملکی میڈیا کو بتایا۔ ذرائع نے کہا کہ بریڈ نے اپنے بچوں کے لیے ہار نہیں مانی لیکن انجلینا سے علیحدگی نے ان کیلئے صورت حال کو بہت مشکل بنا دیا ہے۔ جتنا وقت گزر رہا ہے، ان کیلئے یہ دکھ بڑھتا جا رہا ہے۔

رپورٹس کے مطابق 60 سالہ بریڈ پٹ کا اپنے بچوں کے ساتھ تعلقات پیچیدہ ہیں جبکہ انجلینا کے ساتھ قانونی جنگ تاحال جاری ہے۔ یہی نہیں بلکہ بریڈ پٹ اس وجہ سے بھی شدید کرب میں مبتلا ہیں کہ ان کے بچوں نے والد کے نام کو اپنے نام سےہٹا دیا ہے ان کے ایک بچے شایلو نے باضابطہ طور پر اپنا نام تبدیل کرنے کے لیے عدالت سے رجوع بھی کیا ہے۔

فی الحال صرف سب سے چھوٹے دو جڑواں بچے ویوین اور نوکس اپنے والد کے ساتھ ملاقات کرتے ہیں جبکہ باقی بچوں اور بریڈ کے درمیان رنجشیں تاحال برقرار ہیں۔

دوسری جانب انجلینا نے ایک حالیہ انٹرویو میں کہا ہے کہ ان کے لیے ’ماں ہونا سب سے اہم ہے‘ اور وہ اپنی زندگی میں سب سے زیادہ خوشی اپنے بچوں میں پاتی ہیں یہی وجہ ہے کہ ان کی محبت ان کی زندگی کا محور ان کے بچے ہیں اور وہ بچوں کیلئے کچھ بھی کر سکتی ہیں۔