مشیر اطلاعات خیبر پختونخوا بیرسٹرسیف نے سندھ اور بلوچستان سے آنے والے قافلوں پر اسٹریٹ فائرنگ کے واقعے کی مذمت کرتے ہوئے کہا ہے کہ حواس باختہ حکومت نے پاکستان کو کنٹینرستان بنایا ہوا ہے، جعلی سلطنت کو دوام دینے کے لئے چچا بتیھجی لاشیں گرانا چاہتے ہیں۔
پشاور سے جاری بیان میں کا کہنا تھا کہ جعلی حکومت نے بوکھلاہٹ میں پنجاب میں بھی لاشیں گرانے کا پلان بنایا ہوا ہے پرامن احتجاج روکنے کے لئے جعلی حکومت نے ایک ہفتے سے پورے ملک کو کنٹیرستان بنا یا ہوا ہے ڈی چوک میں کنٹینرز پر سبز کپڑا چڑھانا جعلی حکومت کے مذموم عزائم ظاہر کرتی ہےسندھ اور بلوچستان سے آنے والے قافلوں پر سیدھی فائرنگ کی گئی راستے میں رکاوٹوں کے باعث مریضوں کے ہسپتال نہ پہنچنے کے باعث بچوں اور حاملہ خواتین کی اموات رپورٹ ہوئی ہیں
پشاور سے جاری بیان میں مشیر اطلاعات خیبر پختونخوا بیرسٹرسیف کا کہنا تھا کہ سندھ اور بلوچستان سے آنے والے قافلوں پر سیدھی فائرنگ قابل مذمت ہے، جعلی حکومت بوکھلاہٹ کا شکار ہوگئی ہے، پنجاب میں بھی جعلی حکومت نے لاشیں گرانے کا پلان بنایا ہوا ہے، جعلی سلطنت کو دوام دینے کے لیے چچا اور بتیھجی لاشیں گرانا چاہتے ہیں۔
اسلام آباد فیض آباد پہنچنے والے پی ٹی آئی کارکن گرفتارراستے بند، پی ٹی آئی کے قافلے روانہ
بیرسٹر سیف نے کہا کہ حواس باختہ حکومت نے پاکستان کو کنٹنرستان بنایا ہوا ہے، کنٹینرز کے پہاڑ کھڑے کرنے سمیت خندقیں بھی کھودی گئی ہے۔
انہوں نے مزید کہا کہ ڈی چوک میں کنٹینرز پر سبز کپڑا چڑھانا جعلی حکومت کے مذموم عزائم ظاہر کرتی ہے، سبز کپڑا کروما کے طور پر استعمال کرکے جعلی حکومت نے جعلی ویڈیو کے ذریعے پی ٹی آئی کو بدنام کرنے کا پلان بنایا ہوا ہے۔
مشیر اطلاعات خیبرپختونخوا نے کہا کہ جعلی حکومت کے مذموم عزائم سے عوام باخبر رہے، پرامن احتجاج روکنے کے لیے جعلی حکومت نے ایک ہفتے سے پورے ملک کو بند کیا ہوا ہے۔
بیرسٹر سیف کا مزید کہنا تھا کہ شاہراہوں کی بندش سے ایمبولنس سروس بھی شدید متاثر ہے، مریضوں کو اسپتال نہ پہنچنے کے باعث کئی اموات واقع ہوئی ہیں، کئی بچوں اور حاملہ خواتین کی اموات بھی رپورٹ ہوئی ہیں۔
