وزیراعلیٰ پنجاب مریم نواز نے نشتر اسپتال ملتان کے ڈائیلسز یونٹ سے 25 مریضوں میں ایڈز کی منتقلی کے معاملے پر ایکشن لیتے ہوئے سخت قدم اٹھایا ہے۔

نشتر اسپتال کے دورے کے دوران، مریم نواز کو نیفرولوجی وارڈ سے ایڈز کی منتقلی کے معاملے پر مکمل بریفنگ دی گئی۔ انہوں نے غفلت برتنے پر شدید برہمی کا اظہار کیا اور اس کے نتیجے میں متعدد سینیئر ڈاکٹرز کو معطل کرنے کا فیصلہ کیا۔

معطل کیے جانے والے افراد:

ایم ایس نشتر اسپتال: ڈاکٹر کاظم

وائس چانسلر نشتر میڈیکل یونیورسٹی: ڈاکٹر مہناز خاکوانی

ہیڈ آف نیفرولوجی وارڈ: ڈاکٹر غلام

دیگر ڈاکٹرز: ڈاکٹر جہانگیر، ڈاکٹر پونم، سینیئر رجسٹرار ڈاکٹر عالمگیر

ہیڈ نرس: ناہید

تحقیقاتی کمیشن کی رپورٹ کی روشنی میں، معطل ہونے والے تمام ڈاکٹرز کے لائسنس بھی منسوخ کر دیے گئے ہیں۔ مریم نواز کی اس کارروائی کا مقصد مریضوں کی حفاظت کو یقینی بنانا اور صحت کے نظام میں بہتری لانا ہے۔